صاحب اللقب المشؤوم !!!

مرحبا ،،،،،

طبعا انا شفت مواضيع كتييير هنا بتتنبا انو اللقب ل مروان
ويمكن شوي وتجزم انو الكلام دا موثوق وصحيح ميه بالميه
انا بصراحه بحس بعض اللي بيقولوا كدا اما ما اتفرجو على موسمي ال cbc اللي فاتو
او انهم فانزات لطلاب والطلاب دول قراب من ولاد ال cbc والفانزات بتجامل بعض وخايفين انو لو قالو الحقيقه يقلبوا عليهم فانزات ولاد ال cbc
او انهم شايفين انو مروان جماهيريتو عاااااااليه ومغطي على كل الطلاب اللي في الاكاديمي وانو كلوديا وشلتها هي المتصرف الكلي في ال ٣ مواسم !!!!

حبايبي ارجعو بالذاكره شوي لسنتين مروا واتذكروا الجدل والاصرار للي كان يصير في المنتدى
في الموسم ٩ الاغلب من بداية البرنامج بيقول انو اللقب ل زكي شريف الى ان خرج زكي شريف بالتزوير لصالح رنا وتبديل الاماكن
قلبتوا وقلتو خلاص مازال خرجو زكي معناتو اللقب ل جان وفي الاخر محمود ولد القناه هو اللي فاز

في الموسم ال ١٠ من بدايتو وانتو بتقولوا اتفاقهم مع القناه انو اول سنه اللقب للقناه والسنه التانيه لتبع الاداره
وجلستو تقولو اللقب للدلوع ايلي ولما خرج ايلي قلتوا بسسس اكيدددد اللقب ل ليا
وحتى لما كان البرايم النهائي شغال كنتو بتكتبوا في نفس الوقت قبل مايخلص انو ليا هي صاحبة اللقب وفي النهايه فاز محمد شاهين ابن القناه

وحاليا بتكرروا نفس الكلام من بداية الموسم شويه تقولو اللقب لمابيل وشويه تقولوا لدلوعهم رافاييل وشويه تقولو لمروان
وكانكم بتلهوا نفسكم عن صاحب او صاحبة اللقب الحقيقي او بتكدبو نفسكم !

اولا لو كانو حابين يدوا اللقب للبناني كانو جابو واحد محبوب زي جوزيف اوسعد
والمعروف انو مروان صوت رااااائع بس شخصيه غير محبوبه ومن الطلاب الضعاف جماهيريا

ثانيا مروان من الناس اللي تغني صح ومايفشلهم في البرايمات وهما مخلينو لانو من الناس اللي بيعتمدو عليها في البرايمات مع نسيم وايهاب
وتفضيلهم لرافاييل اكتر من مروان بس هما عارفين انو مروان افضل من رافاييل صوتيا

ثالثا والاهم مروان من اكتر الناس اللي بيجيبوا مشاكلهم مع الطلاب ومابيغطو على تصرفاتو زي مابيغطو ع تصرفات بعض الطلاب

وبعد هدا كلو تقولو حيدوه اللقب ؟؟؟!!!!!

طبعا كلكم حتقولو مو مشكله اللقب والكلام دا
بس لاتنسو انو الطلاب فعلا بيتنافسو واغلب تنافسهم ع اللقب شئنا ام ابينا

اما نسيم وايهاب ومروان ودينا
ففعلا يستاهلوا اللقب لانهم الاشخاص اللي فعلا بيشيلو البرايمات ومابيخذلو الاداره والجماهير
اما غيرهم فمجرد تلميع ولكن للاسف اللقب هيروح للملمعين اكتر من المستحقين !!!!

فلااااازم نفهم انو القناه هي المتحكم الوحيد في اللقب وليست الاداره !!!
وانو ال ١٠٠٠٠٠ دولار برعاية تويوتا مصر مش هتروح غير للملمعين والمصلحجيين هايدي او عباس !!