مرور الطلاب بالبرايم و كلام عن صاحب اللقب

من طرف **Admin** الجمعة ديسمبر 16, 2016 1:58 pm

يومي كان إسود مثل ما توقعت بالظبط . اول خروج ليا على الشغل كان في مطر نازل و اجت رجلي ببركة مي على الرصيف و الحمد لله غرقت و تطينت . قمت راجعة الخطى على البيت أغير لبسي . و يومي مش بس كان إسود . قد سواده قد طوله . طويل و لا رجلين مروان حبيب قلبي الي بتمناله اللقب و إن شاء الله لأ
البرايم عجبني حبيت كوكي حبيبة قلبي كارول ديما متميزة متألقة و متواضعة و قريبة من الكل .
حنان و عبّاس و هايدي

أغنية سهرانين ايقاعية سريعة و الطبقة عالية و كارول بنفسها مغنتهاش لايف و كانت بلاي باك فيها مرور حنان فيها كان مش و لا بد . أغنية ماجدة الرومي مثل ما توقعت . هايدي مرورها فيها مكنش موفق بسبب مشكلة النفس و المجال الكبير بين اوطى نوت و أعلى نوت . أغنية طب ليه كانت تراجع لمحمد عباس عن مستواه السابق في البرايمات. الثلاثه دول زي ما يكونو متفقين الاغنية الاولى مكنتش موفقة ليهم
لكن مرورهم الثاني كان رائع أغنية وحشاني بلادي أبهرتني حنان بأدائها فيها كانت جيدة جدا و صوتها كان رائع و أغنية المحكمة لهايدي و عباس كانوا رائعين فيها و متميزين

نسيم و مروان

نسيم كان مميز في أغنية النوميني و عجبني صوته مش عارفه ان كان غنى اغنيه تانية في البرايم
مروان احنا الفانز مينفعش نقيم ابن الادارة المدلل كل برايم تابلو و أغنية على مقاس رجليه

الاستراتيجيات القادمة / يا ترى مين صاحب اللقب حزرو فزروا . صاحب اللقب هو الي جمهوره هيدفع فلوس كثيرة في الفينال . مش محتاجة ذكاء يعني . فلان يستحق و فلان ميستحقش ملناش دعوى . شايف ان فلانك يستاهل يبقى اشحت من دلوقت لحد الفينال و اهديلو اللقب . لكن تنام على جنب الراحة و تيجي تقول مينفعش ان اللقب يروح لناس متستهلش و مين قلك حضرتك ان اللقب صدقة تجوز على صاحب الصوت الضخم حتى لو جمهوره جيبه مفلس . لا ركز معانا و حياة ابوك و العيلة كلها . اللقب هو قرار جماهيري . لو الجمهور قال مروان هيفوز هشرب لمون و احترم القرار عشان صرفوا فلوسهم و جابولو اللقب . و كلمة قال دي في معناها المجازي يُقصد بها قولا و فعلا و شحنا . مش اقوال من غير أفعال و متمنيات بلوشية . و لو الجمهور اتبهدل و صرف الي قدامه و الي وراه و راح اللقب لعبّاس . مش هنبكي هنا على الاطلال و نقول ثالث مرة يروح اللقب لمصري في عهد كلوديا و نشتم القناة و نشتم منى الشاذلي عشان كانت بتيجي قبل البرايم و نحلف يمين نقاطع و احنا مش مقاطعين . ماهو بالعقل لو الجمهور عاوز عباس و جاله تصويت كبير شي طبيعي نسبته تفضل ليه . محدش ينقلها لحد تاني عشان محمود و شاهين خذوا اللقب قبله . و نفس الكلام ينطبق على هايدي عشان طالبة مصرية . نيجي للاهم لو فانز حنان عملوا مجهود و خسروا فلوسهم و جابوا اللقب لحنان . ده انا هيغمى عليا من صدمة الفرحة و هدخل في غيبوبة بس احب لما ارجع مشفش اي فيلسوف هنا بيألف نظريات فلسفية . ما هو الناس مش هتدفع الي وراها و الي قدامها عشان يجي حد تاني ياخذها بالبارد و من غير مصاريف تذكر

شايفه يستاهل و شايفها تستاهل يبقى تخليه او تخليها تاخذ اللقب باستحقاق جماهري مطلق و توافق ان اي طالب ياخذ نسبته الحقيقيه زي ما هي و يُتوج على أساسها . لأنك إنت مينفعش تقبل على نفسك ان طالبك الي بتشجعو يسرق فوز حد التاني بالغش حتى لو صوته جميل

المصدر: منتديات تحميل سيتي - من قسم: فضائح ستار اكاديمي 11 Star Academy