موضوع محيرني

السلام عليكم
كيفكم يا اهل المنتدى الكرام وكيف عاملين مع ها البرد
انا ساكنة في المغرب في مدينة داخلية يعني مش ساحلية وهي منطقة منخفضة عندنا طقس قاري في الشتاء ما بينزل الثلج ولكن بيبقى الجو بارد كثير وانا هلا لابسة layers من كل شي ومع ذلك برجف
موضوعي اليوم انو لاحظت شيئ غريب ومتكرر وفي اغلب الردود ومنتشر في كل المناطق وعند كل الفانزات
وهو انو لما حدا من منطقة معينة او فانز حدا معين ينتقد طالب x فانز الطالب x ما بيردو على هاد الشخص اللي انتقد وانما بيبداو يسبو الطالب اللي بيشجعو هاد الشخص
مثلا راح اعطي مثال اذا انا انتقدت هايدي وانا معروفة بحب نسيم بيدخلو فانز هايدي ينتقدو نسيم مع انو ماعمل شي ولا غلط في هايدي والعكس كمان
واذا انا بحب انيس وانتقدت ايهاب بيدخلو فانز ايهاب ينتقدو انيس والعكس صحيح
انا بس بعطي امثلة لا تفهموني خطا
يعني لما حدا ينتقد طالبنا المفضل وهو معروف انو بيشجع حدا معين ليش ما نرد عليه هو ونوضحلو اذا كان غلطان او ننتقد طريقته في الكلام ليش بنصب غضبنا على طالب ما عمل اي شي وهو ما وكل اي حدا ليحكي بداله
والله مافهمت ليش هيك يعني اذا حبينا طالب بنحبو لشخصو هو مش لانو فانزاتو حلوين او طيوبين او بيشكرو في طالبنا المفضل هاي مو معقولة
وفي الاخير بدي قول انو الطلاب الصراحة كلهم مظلومين مع انهم هما اللي اجو برجليهم بس الكل صار بدو يكون جلاد والله يسمحلي اذا تجاوزت على شي حد منهم لاننا في الاخير كلنا بشر
مرحبا بمشاراكاتكم و اراءكم على هالموضوع واذا انتو مع او ضد