من هنا و هناك

السلام عليكم ورحمة الله وبركاته

بعد تردد شديد اني اكتب مواضيع نظرا لضيق الرقت و لاني مش بتابع اصلا القناه و لا عندي اساسا و معظم متابعتي للبرايم و احيانا اليوميات و اليوتيوب بس قولت اكتب عن كام حاجه شوفتهم ووجب التعليق

1- انهارده بشوف استاذ ميلاد في اليوميات داخل عليهم الراجل زي الفل و شيك و ريحته طالعه من الشاشه و هايدي استقبلته ببنطلون الرياضه و جاكيت الرياضه و مغطيه راسها و قاعده تاكل و لما شافته رمت الاكل علي الطاوله اللي هو ايه القرف ده يعني اكيد عارفين الرجل جاي علي الاقل البسي جاكيت شيك شويه حتي لو مريضه و ببنطلون چينز و لا اي حاجه و مابيل طبعا شعرها منكوش كالعاده و هدومها الواسعه و لبسها العجيب. و دينا يعني الوحيده اللي كانت لابسه معقول حسيت الراجل اتضايق و كان مش مبسوط
و الشباب بصراحه كانوا فل ايهاب الحذاء بيلمع و الشراب نضيف و مروان علي رخامته بس لابس كويس هو و رافييل و عباس و انيس بردو لابسين و شكلهم علي الاقل انضف من البنات بجد كل سنه نفس القرف يعني مفيش بنت قبل ماتدخل الاكاديمي تكون مرتبه ملابسها و عارفه حتلبس ايه و مجهزه نفسها و اللي بيفقع المراره انهم بيبرروا ان الاداره اخدت لبسهم لانه ماركات علينا احنا بردو يعني عايزين تقنعونا ان ليا و ابتسام و كنزه مثلا كان لبسهم مش ماركات ؟؟ و كانوا شيك و بيغيروا لبسهم كل شويه مش طول النهار قاعدين في خلقتنا بأم بنطلونات الرياضه

2- بنسبه للكلام عن عباس انو بيفرق الكابلات طبعا الكلام ده مش صح و بالعكس هو ذكي جداا و بيعلق علي التصرفات اللي فيها حاجه مش صح زي علاقة سهيله و ايهاب اصلا حتي ام ايهاب طلبت منه يبعد عنها و يركز في الصفوف و رافاييل و حنان اهلهم نفسهم رافضين العلاقه و معطم الجمهور رافض و بيهاجم حنان يبفي اشمعني كلمة عباس وقفت في الزور و اشمعني معملش كده مع مابيل و انيس لان انيس حكي للشباب انو فعلا بيحب مابيل بس باك ستيج و مش بيتسلي و لا بيعمل كده علشان التصويت فعباس بالعكس امبارح نصح مابيل انها ترجع تاني لعقلها و تبطل ترمي ودانها لحد بيلعب في دماغها و طبعا الكلام علي دينا و انا شخصيا عمري ماستريحت لدينا و لا لنظراتها
حضورها و صوتها حلوين بس شخصيه سيئه للاسف و حركاتها بتعصبني و هي سبب مشاكل كتير حصلت في الاكاديميه و اتمني انها تطلع

3- بنسبه لمشكلة سهيله انا اتفرجت علي كام ڤيديو كذه و فهمت شوية حاجات
اولا البنات حصل بينهم غيره من سهيله و كمان هم حسوها مصطنعه و بتمثل علشان تكسب تعاطف الجمهور فاتفقوا يعملوا جلسة صراحه طبعا مش حنخوض في الجلسه و اللي حصل فيها بس كان باين انهم اتفقوا عليها شانتال هجمت عليها و مابيل و هايدي الله اعلم الحقيقه فين بس كان ادائهم هجومي و مستفز المهم خلصت الجلسه بدون تدخل من عباس لانه ذكي و مش عايز يدخل نفسه في مشاكل و يخسر جمهور سهيله و دي حاجه متعيبوش لان هو وقتها مكنش عنده مشكله مع سهيله و كانوا اتكلموا في اللي عملته مع ايهاب و اتفقوا ميفتحوش الموضوع تاني
تاني يوم شفت فيديو لمروان في غرفة النوم مع سعد و انيس و بيتكلموا و كلن متضايق ان في حد متكلمش امبارح مع انهم متفقين و سعد قاله بالحرف بس شوفت انا اتكلمت بس بدون اسامي و حتي هي جت الصبح سألتني قالتلي يا سعد انت في حد كان بيمثل عليك يبقي معناها انها فهمت ان كلامي موجهه ليها و انا استغربت لاني كانت حاسه ان كلام سعد موجه لدينا و عباس
المهم مروان راح عاتب عباس انو متكلمش و عباس قاله لاني خلاص قفلت الموضوع القديم و انتو كلكو هاجمتهوها و بينتوا انها مظلومه قدام الناس و اللي عملتوه غلط مش بقولكوو ذكي عباس
المهم سهيله قررت تنسحب حصل ايه بقي و قصة وقوعها مش فاهمه بصراحه الحقيقه فين بس دينا وقتها قالت حركة ذكيه و ازاي حد يعمل كده و معرفش كانت تقصز ايه بس بصراحه دينا كانت بتكره سهيله و الدليل انها قالت سهيله اغمي عليها بعد الاغنيه مش قبل و طبعا عايز تبين انها اغمي عليها علشان غنت وحش و كدبت سهيله قدام ايهاب و حتي ايهاب مصدقهاش و قالها لا قبل الاغنيه و هي مصممه معرفش هي مالها قبل و لا بعد بس دينا كانت مش طايقه سهيله
و. بعد كده
و لا اقولكوا التكمله في الجزء الجاي علشان مضطره امشي
و شكرااا