تعليقات من هنا و هناك

السلام عليكم ورحمة الله وبركاته
كل عام و انتم بخير و سنه سعيده علي الجميع
اولا بعتذر لاني مردتش علي الناس في موضوعي
معلش الوقت بيتبخر و لما بيعدي يوم و انسي ارد بقول خلاص الناس نسيت الموضوع و انشغلوا بمواضيع تانيه

المهم طبعا مش بحب امسك طالب و اعمل عليه موضوع فخليني اقول اخر تعليقات علي الاحداث اللي شوفتها

1/ نسيم .... طبعا صوته ميختلفش عليه و مش حننكر ان دمه خفيف بس ساعات بيزودها و طبعا المبرر انو صغيرر و انو قاصف الجبهات انا شايفه ان دي قلة ذوق و انا لو مكان الطلاب حبهدله علي الهوا هزار بالايد تقيل و رمي كلام سخيف و معظم فانزاته فرحانين و يقولك قاصف الجبهات
هو معلش ايه خفة الدم انو يقول لعباس انت بتقرب لهايدي علشان جمهورها؟؟؟ هو ماله اصلا و لو كان عباس هو اللي قال كده لاي طالب كنتو عملتوا ا عليه حفله لكن نسيم لا طبعا سنه صغير بقي و دمه خفيف و ذكي
هههههه مبرارات تتفصل علي حسب الطالب لو بتحبه عندك شنطة مبرارات علشانه لكن لو مش بتحبه فطبعا لو كح يبقي خبيث و شبطان و ننزل مواضيع نشتمه

2- عباس هههههه و الله الواد ده حيجيب شلل للي بيكرهووه الولد ذكي و بيشتغل لمصلحته و انا بحييه دي منافسه و طالما بيعملش حاجه تضر حد خلاص و محدش ييجي يقولي وقع بين فلانه و علان
هم مش اطفال و هو مش واصي عليهم و بعدين اهلهم نفسهم حاولوا يفرقوا بينهم و انا بتكلم علي ايهاب و سهيله
بيعجبني عباس محدش عارف يقرب نحيته و بياخد حقه و بنسبه لواسطته فاللي غنده اثبات يورينا انما اتهامات و تأليف يبقي يخليه لنفسه
عباس دخل عارف يتعامل مع كل حد ازاي
مروان بيحاول يتخابث عليه بيديله فوق دماغه
حنان تفضل تقول انا محافظه و انا بطيخه انهارده احرجها علي الهوا لما قالت لما اتجوز رافاييل
راح قالها قولتي ايه تاني برافو عليكي خليكي صريحه هههههه و طبعا حنان جالها ذهول و قالتله انت خطيررر احسن كفايه تمثيل بقي و سهتانه و مياعه انا كنت بحب حنان دلوقتي زودتها اوووي مياعه و تمثيل و دموع تماسيح خلاص يا حنان انتي قاعده للفينال و مش بعيد يضحوا بايهاب علشان خاطر حنان هانم تكمل دلع و مياعه ده حتي رافييل قرف منها و مبقاش معاها زي الاول

4- دينا خلاص عارفه انها طالعه برغم غنت حلو بس طبعا الاداره ليها حسابات تانيه غير البرايم و الايڤال و عامة انا مبحبش دينا بس الحق يقال اللي يستاهل يطلع المره دي حنان

5- مروان كانت الاكاديميه حلوه اووي من غيره بيفضل يبخ سمه في كل مكان لا و فاكر انو حياخد اللقب. ههههههه عشم ابليس يا مروان انت خلاص سافرت مرتين و بتغني علي مزاجك كل برايم و اللقب يا ايهاب يا نسيم بس للاسف لو ايهاب فضل يعلق علي الاداره يبقي حيطلع و يسيبوا حنان و ساعتها يبقي نسيم حياخد اللقب و ده تحليلي الشخصي

6- لاحظت دينا بتقول عايزه اخد شاور مروان طبعا قالها من امتي بتستحمي طبعا سخيف كالعاده بس المهم قالها انا حاخد شاور قالتله لاااا متخلصوش الميا السخنه !!!! يالهوووي يعني جايبين سخان ميا صغير لاكاديميه طويله عريضه ده غير نوعية الاكل اللي لاحظنا كلنا ان محدش بياكلها و الاكل بيترمي زي ما هو و الطلاب بيقفوا يطبخوا دجاج و مكرونه و طول الوقت بيكونوا جعانين
للدرجه دي وصل بيهم التقشف ؟؟؟ و لسه اعتقد اللي جاي حيكون اسوء و انا رأيي ان البرنامج يا يتلغي خالص يا ممول ياخده و يرجعه زي ماكان لان كده الاكاديميه بقت تقرف كل سنه عن التانيه

7- و اخيررا اتوقع رجوع ايهاب و للاسف ايهاب اخر برايم غني وحش و تعابيرات وشه كانت مش حلوه طبعا الاغنيه ظلمته بس هو كان باين متحفز و متضايق و ده مش في صالحه لازم يتحمل لان ده العادي كل سنه و بصراحه اكبر ظلم لايهاب ان حنان تفصل و هو يمشي

اه كلمه اخيره و تقولوا عليا متحيزه عادي مش حتفرق بس لاحظت المره دي ان مصريين كتير في التعليقات علي الفيس بوك بيدعموا ايهاب و مش دينا حتي لو دعم معنوي بس كل المصريين تقريبا بيقولوا دينا و ايهاب ميستاهلوش النوميني بس دعمنا لايهاب لانو يستحق يفضل للفينال
السؤال هنا لو خرج حد مصري مع طالب من اي جنسيه و المصري يستحق اكتر من ابن بلدك حتعمل كده ؟؟ حتدعم الصوت الاحلي و الاخلاق الطيبه زي ما احنا بندعم ايهاب
سؤال مش مقصود منه اي حاجه غير ان بس لاحظت ان ده مبيحصلش تقريبا
و كتيير مننا كمصريين مش متحيزين اوي لولاد بلدنا
يعني انا عملت كذا موضوع انتقد ولاد بلدي
و في خناقات نسيم و عباس كل المصريين كانوا جايين علي عباس للاسف في صفحة عباس
و كتير دلوقتي بيشجعوا ايهاب مش دينا

يالا كل سنه و انتو طيبين