نكت مغربية

من طرف **Admin** الجمعة ديسمبر 16, 2016 7:36 pm

هاذا واحد مكلخ مشى يخطب
جات البنت حطات ليه كاس ديال أتاي ليبتون Lipton
قال ليها: من دابا بدينا فالحجابات؟
*****************************
واحد التلميد قال للمعلم: واش ممكن شي واحد يتعاقب على شي حاجة ما دارهاش؟
قال ليه المعلم: لا!
قال ليه التلميد: إيوا راه ما درتش التمارين.
***************************
واحد البنت كانت كتشوف راسها ف المرايا، وهي تعيط لأمها: ماما، ماما.
قالت لها أمها: مالكي؟ علاش كتغوتي؟
قالت ليها البنت: ما بقاوش غادي ينوضوا ليا الحبوب في وجهي
قالت ليها أمها: وباش عرفتي؟
قالت لها البنت: لحقاش ما بقاتش بلاصة
****************************
معكاز قالوا ليه : نوض تخدم
قال ليهم : علاش؟
قالوا ليه : باش دير الدار
قال ليهم : علاش؟
قالوا ليه : باش تزوج
قال ليهم : علاش؟
قالوا ليه : باش دير وليدات
قال ليهم :علاش؟
قالوا ليه : باش يخدموا عليك
قال ليهم :علاش؟
قالوا ليه : باش ترتاح
قال ليهم : راني هاكا مرتاح، علاش ندور هاد الدورة كاملة؟
****************************
واحد المعلم سول واحد التلميد، قال ليه: أش بغيتي تكون فاش تكبر؟
قال ليه التلميد: بغيت نكون ولد الحرام.
قال ليه المعلم: علاش أولدي؟
قال ليه التلميد: حيت بابا فاش كيشوف شي حد عندو طوموبيل واعرة كيقول ليه: ولد الحراااااام
****************************
هادو جوج بنات وحدة زوينة ووحدة خايبة تقدموا لشركة بطلب باش تكون وحدة فيهم سكرتيرة
مشاو لعند المدير وقال ليهم: أنا ما كيهمنيش الجمال، أنا كتهمني الكفاءة. غنسول كل وحدة فيكم سؤال باش نشوف شكون اللي تستاهل الخدمة.
سول البنت الزوينة: ماهي بلد المليون شهيد؟
قالت ليه: الجزائر.
قال ليها: ممتاز.
و هو يسول الخايبة: ما هي أسماء المليون شهيد؟
**************************
قالك هدا واحد لفقيه معكاز مزياااان واحد النهار في الجمعة دار الخطبة أوصلا بالناس
ميلي سالا قال ليهم : شكون اللي عارف قصة سيدنا داود
كولشي هز صبعو أوهو يقول ليهم: بلا ما تجيو الجمعة الجاية
****************************
هادي واحد الطلابة قالت لواحد المعلم: الله يرحم الوالدين عطيني باش نفرح الدراري.
قال ليها: سيري قولي ليهوم راه ما كايناش القراية غدا
****************************
هادا واحد مشى يخطب. ملي سولو بات العروسة فاش خدام كاليه دريدور.
الأب نوض الحيحة باش يزوجهم، قال مع راسو ضروري هادي شي شخصية مهمة وما خاصنيش نفلتو.
ملي مشاو عند العدول، سولوا العريس: فاش خدام؟
قال ليهم العريس: دريدور نعام اسيدي
قالوا ليه العدول: اشنا هي هاد الخدمة؟
قال ليهم العريس: الدريدور ملي نعام اس كتعجن الشباكية وكطيب، كندردر من فوقها الجنجلان
****************************
هدا واحد ضراتو كرشو مشا عند الطبيب. سولو الطبيب شنو كليت. قال ليه بيمو ديال الدجاج.
فاش قلبو لقاه واكل كنور
V ****************************
هذا واحد البناي شعلت فيه العافية...ملي فاق لقا راسو فالسبيطار مجبص...وهو يعيط على الفرملية وسولها...قال ليها واش انا تحرقت ولا تهرست؟؟؟...قالت ليه لا انت تحرقتي... ولكن صحابك البْنايا ملي بغاو يطفيوك....طفاوك بالبالات
*****************************
هذا واحد لقا ولدو كينشد طلع البدر علينا وهو يسلخو . قالت ليه مراتو علاش ضربتيه.. قاليها لقيتو كيغني بالقرآن وهي تقوليه علاه طلع البدر قرآن .. راه غير نشيد
وهو يطيح تبكي.. قالت ليه مالك.... قال ليها 10 سنين ونا كنصلي بطلع البدر
****************************
واحد ماكايتيقش طلع للطوبيس شرا جوج ورقات.. قال ليه لي كيقطع علاش شريتي جوج... قال ليه مني تطيح ليا ورقة تكون عندي ورقة .. قال ليه ومني يطيحو ليك بجوج.. قال ليه عندي لكارت ديال الطوبيس
*****************************
واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟
جاوبو: بالمرقة. هز المعلم العصا وبدا يضرب فيه: ها البطاطا، ها خيزو، ها اللفت، ها اللحم، ها البصلة... حتى شبعو عصا
داز على التلاميد كلهم حتى وصل عند واحد العايق سولو: باش تغديتي؟
هو يقول ليه: بمسكة
وقف المعلم شوية يفكر، وهز العصا حتى السما هو يعطيه: ها الكاغيط الفوقاني، ها الكاغيط التحتاني، ها نضغ نضغ نضغ نضغ....
****************************
هذا علي وابراهيم تشاركو فحانوت وواحد النهار علي علق لافته مكتوب عليها بالفرنسية
alimentation générale
جاء ابراهيم قرا اللافتة كعاو هو يبدلها ودار فيها brahimentation générale

المصدر: منتديات تحميل سيتي - من قسم: نكت جديده نكت مضحكة نكت خليجية عربية