كل واحد يدخل هنا ويقول هو ليه مش مهتم بالطالبه أيه

من طرف **Admin** الجمعة ديسمبر 16, 2016 2:44 pm

المعروف عن المصريين كل سنه حماسهم الزايد تجاه المشتركين المصريين بالاكاديميه يعنى تشجيعهم واهتمامهم بالطلاب زى ماحصل السنين اللي فاتت مع ميرهان و شاهى و قماح وسالي و هانى حسين و محمد عطيه و غيرهم و طبعا زى ما هو حاصل السنه دي كمان مع سراج بالرغم من ان صوته مش قوى و بالرغم من انه طلع نومينيه اكثر من مره الا انه له جمهور كبير من كل الدول العربيه بيحبه و بيشجعه و بيرجعه على الاكاديميه كل مره لخفه دمه و طيبه قلبه وده كمان حاصل مع لارا بالرغم من انها تمثل الخواجات اكثر من تمثيلها للمصريين الا انها قدرت تلفت انتباه المشاهد بأستعراضاتها و طريقه غنائها و توصل لقلب رولا بسرعه الصاروخ و بردو لها جمهور كبير .
لكن الملحوظ جدا السنه دي ان تقريبا مفيش اي جمهور مهتم بالطالبه أيه سواء من المصريين او غير المصريين .... انا عن نفسي من ضمن الجمهور اللي مش مهتم بيها .... بصراحه أيه مجذبتنيش في اي حاجه بالرغم من انها محترمه و في حالها ومش بتعمل حاجه وحشه لحد الا انها ثقيله و مفيهاش روح بمعنى انها محاولتش تلفت النظر في اي حاجه من تصرفاتها او تبان انها مميزه في حاجه معينه غير صوتها الحلو و عشان كده محدش انجذب لها او التفت لها ... حتى الطلاب في الاكاديميه مش مهتمين بيها ولا كأنها موجوده في البرنامج ... و الغريب انهم لما قدموها في البرايم الاول قالوا ان فيها كتير من سعاد حسنى .. وانا قلت انها هتكون دمها خفيف و شقيه واستعراضيه من الدرجه الاولى و هتكسر الدنيا على حسب تقديمهم لها فى البرنامج .. لكن مع مرور الايام اتضح لنا عكس كده تماما خاصه ان الكل بيقارنها بخفه دم ميرهان و اهتمامها بنفسها و تفوقها في اللوحات الاستعراضيه اللي خلى الناس كلها تنتبه لها و اصبح لها جمهور عريض من المصريين و غير المصريين و كذلك روح محمد قماح و هانى و سالي و غيرهم ... انا بحس ان أيه ناقصها حاجات كتير اوى و اولها الروح وخفه الظل .. مشكلتها انها انسانه عاديه جدا ومش بتلفت النظر في أي حاجه و الفنان دلوقتى مش بينجح بس بصوته لكن الناس بتحبه من خلال حاجات تانيه كتير اهمها شخصيته و خفه دمه وجاذبيته
انا عندى احساس ان أيه لو طلعت نومينيه محدش هيصوت لها .
كل واحد يقول لي رأيه بصراحه ....

المصدر: منتديات تحميل سيتي - من قسم: ستار اكاديمي 1 2 3 4 5 6 7 8 Star Academy