البرايم !!

من طرف **Admin** الجمعة ديسمبر 16, 2016 2:21 pm

مساء النور عالكل

كلنا حضرنا البرايم اليوم, وفي منّا يلي ماحضره أو حضر شوي منه,, ماعلينا بس هي لزوم المقدمة يلي أنا كمان مُلزمة فيها

البداية مع دينا

أنا سمعت انه عندها تابلوه قلت ياسلام وأخيرا فكروا يعطوها تغني أغنية ومو جملة كالعادة,, لانصدم بتفاهة التابلوه شو هالقرف هاد

يعني هالأغنية ممكن ينعمل الها ألف تابلوه يكون كيوت ودلوع,, بصراحة يلي صمم هالتابلوه وعطى هالفكرة بده قتل

أما كـ غناء فكانت عادي, ماكانت كارثة متل ما اتوقعت أول ماسمعت أنها رح تغني (يلا) ولا أبدعت أصلاً الغنية مابتحمُل تتغنى أكتر من هيك,,
أما من ناحية حضور دينا فالمسرح انوجد لتكون دينا نجمته

ثقة بالنفس وحضور طاغي وكاريزما فظيعة

شخصية أبداً مو ممكن تتحطم ومارح تتحطم

ومبرووووك عليها التوب 3

تابلوه حنان & رافاييل كمان كتير مقرف

حركاتهم مايعة وماحبيت أبداً التابلوه

رافاييل خبص ليوم التخبيص,نشاز ورجفان وعدم ثبات بالمغنى, باختصار كارثة
حنان مو معقول شو غنت حلو, عنجد لبقتلها الأغنية وحبيت كيف غنت

إهاب & عباس
أحلى ديو بالبرايم وأحلى شي كانوا بالبرايم, إهاب اتفوق ع عباس ثبات وتمكن وإبداع, عباس حاول يتفوق ع إهاب وكتر عرب بس ماطلعله مع إهاب

ملاحظات عالبرايم:

- أنيس ع راسه ريشة مثلاً؟ من ايمت النومينيه بياخد تابلوه؟ أنا انبسطت أصلاً أنه هالبرايم رح ارتاح منه ومن مابيل اجى نط بهالتابلوه

- مابيل كتير بتطلع حلوة بالبرايمات, وبالتوفيق الها بحياتها برا الأكاديمي, أصلاً كان لازم تطلع قبل علي وسعد وحتى سوكا, وبتمنى انها تترك الغناء وتتوجه للرقص

- كنت متوقعة عودة قوية لهايدي هالبرايم, لازم تلاقي حل لمشكلة النفس يلي عم توقع فيها, غنت كتير عادي, بس الاحساس بيقتل

- مروان ملينا منه بقى, كل برايم نفس الاداء

- نسيم مو معقول شو مهضوم, كل مرة بيتفوق ع حاله وبيقدم أداء مُشرّف

- رافاييل مابيستاهل التوب 2 أبداً

, وين نسيم؟؟ وين إهاب؟؟

- بتوقع النومينيه الاول رافاييل والتاني بيتحدد بعد الايفال ولو أنه أنيس الأقرب

- بتمنى اسمع ديو بيجمع دينا & هايدي ويكون طربي, بعتقد رح يكسر المسرح, بس ع شي أستاذ يفكر بهالشي

- انصدمت أنه الجمهور عم ينادي باسم دينا هههههههههههه بس حبيت

- ملحم مو معقول كل طلة اله أحلى من يلي قبلها

, مينا ميناااا بيعقد

بالتوفيق اله ولشاهين

في شي لسه ماحكيت عنه؟؟

بعتقد خلصت كل شي بدي قوله

باي باي

المصدر: منتديات تحميل سيتي - من قسم: فضائح ستار اكاديمي 11 Star Academy