سهيلة و الكواليس !!

من طرف **Admin** الجمعة ديسمبر 16, 2016 2:18 pm

صباح الخير
من اول ما تابعنا البرنامج كانو الطلاب مزعوجين من تصرفات سهيلة يلي احنا ماشفناها على 24 فهي كانت البنت الخدومة صاحبة المقالب و الضحك واللعب يلي مابترد حدا اذا طلب مساعدتها ..
كان دائما حجة الطلاب انها تستفزهم بلكواليس و انها شخص شرير بعيدا عن الكاميرا و اول ما تدخل الاكاديمي تقلب لشخص طيب و ساذج و حنون
طبعا الكلام بيتغير حسب المصلحة في الماضي القريب سهيلة كانت شريرة الكواليس و لكن امبارح سبحان الله انيس يلي كان من الجماعة المظلومة المعنفة من طرف سهيلة بلكواليس بيقول انه اقرب شخص اله في الاكاديمي هو سهيلة يؤؤؤ انا كنت بظن انها ماااابيييل !! قال شو هاد الشي ما ظهر لناس لانه طول الاسبوع ما يقعدو مع بعضهم بس اول ما تلتقيه سهيلة بلكواليس تفضفضله و تحكيله كل يلي حصل معها خلال الاسبوع يااااه سهيلة طلعت ممثلة شاطرة يوم شريرة و يوم اقرب وحدة الشهادات في حق سهيلة ماوقفت عند المنافق انيس يلي مفكر بكلمة يضحك على فانز سهيلة
شنتال بعد ما طلعت و تعرضت لهجوم كبير بسوشيال ميديا يلي كانت متحمسة الها كتير و الجمهور ما كسر بخاطرها ماعرفت تخرج من الورطة الا بكذبة كبيرة ... نشرت على الانستغرام تبعها انه هي و سهيلة كتييير رفقة و حطت صورة كانت ضدها مش معها وقتها شنتال عابطة حنان و بيبكو لانه شتاقو لابهاتهم سهيلة حبت تواسيهم وعنقتهم بس هما ماعاروها اهتمام و لا كانها موجودة طبعا هي مفكرة انه الجمهور ما عم يتابع كل صغيرة و كبيرة على 24 احرجوها قالولها مالقيتي صورة بتجمعك بسهيلة غير ها الصورة يلي قطعت قلوبنا من كتر القهر يلي قهرتوه لسهيلة ..!
كمان موقف من يومين عباس بيقول لاهاب مين اكتر شخص بتحبو و معجب بشخصيتو بيجاوب سهيلة بكل صريح العبارة عباس انصدم لانه كل محاولات الي كانت تصب في تشويه صورة سهيلة في نظر اهاب فشلت و تنهد تنهيدة كانه انغرس خنجر بصدره و ما علق حتى نص كلمة من هول الموقف
بعدها عباااس بيحكي من ورا ظهر دينا و بيقول سهيلة طلعت اطيب منها و اخت دينا زعلت و ماسكتت و كتبت على السوشيال ميديا انه عيب عليه قلب على بنت بلدو و انه بيمثل على هايدي الطيبة وهو حتى كلمة مبروك ماقلهاش ليها وقت رجعت و انه تخطى حدودو كفاية انه عرض بنات بلدو على علي و عديناهاا و قلنا معلش بيهزر
من هاد كلو انا عندي كم سؤال خطرو على بالي اولهم هل هما فعلا نفس الطلاب يلي كانو قاعدين بجلسة المصارحة هل سهيلة شريرة ام طيبة حيرتونا معكم مين بيمثل انتو ولا هي لانه كلامكم متناقض
شنتال انتي اكتر شخص تكلم ورا ظهر سهيلة و قلتي عنها ممثلة و بكيتي دم انه اجوها هدايا و انتي ماوصلك شي غير من جوليان و انه الناس مخدوعة و لازم تعرف حقيقتها غير يوم جلسة المصارعة يلي كنتي شوي وراح تضربيها صرختي عليها طلبتي منها تقطع البوستر و تحكي للفانز معاد يبعتولها نقد سلبي على انيس على اساس قلبك على انيس
عباس انت قلت عن سهيلة استغلالية و بتمثل و مكانت طايق تشوفها في الاكاديمي و متمني تطلع اليوم قبل بكرا
انيس انت نفسو يلي قلت لسهيلة مادخليني بمشاكلك و كل ما تقعد ما طفلتك المعجزة مابيل تفتح جلسة نميمة على سهيلة على اتفه الاسباب حتى على الضحكة يلي بتضحكها قلت انه هي تتصنعها كيف بين يوم و ليلة صارت سهيلة مافي منها بالنسبة الكم !! بيكفي ضحك على عقول المشاهدين مفكرين انه انتو اذكى من الناس برا متل الاستاذ يلي عم يبرر بكلمة نعاج بكوارث اكبر منها متل قصة سقوط سهيلة يلي كلها خيال علمي ولا فصل مرتبط بالفصل يلي قبلو متل حجج عصابة النسوان وقت تلمع مابيل الصغيرة يلي لسى ماكبرت و تطلع الف غلطة بأداء محمد سعد انا عمري ماشفت اغبى منكم و لا راح شوف
اخيرا يسلم تم نسيم لمى حكى انه مستقبل التمثيل في العالم العربي واعد و ما بينخاف عليه لانه فعلا ما طلع حدا ممثل قدكم و حطو خط على العالم العربي لانه قاصد كل الطلاب ممثلين مش واحد او اثنين

المصدر: منتديات تحميل سيتي - من قسم: فضائح ستار اكاديمي 11 Star Academy