عباس و دينا

السلام عليكم ورحمة الله وبركاته

يارب تكونوا كويسين
انا من بعد خروج ايهاب كنت قرفانه اتابع البرنامج و اليوميات و بقيت بتابع بس فيديوهات قديمه ،من ايام علي انيس ايهاب اللي فعلا كانوا من اطيب الشباب

بس طبعا انا من فانز بيسووو زي مانتو شايفين
و الناس معظمها شتيمه و تريقه و عباس خبيث و منافق و و و
و امبارح دينا خرجت ازاااي ميسلمش عليها و ازاي و بنت بلده و حورات اتعملت

طيب معلش نبدأ من الاول شويه
عباس كان مقرب جدا لدينا و حصل حاجه الله اعلم ايه و بعد عنها هووو حر
و هو ادري باللي سمعه و شافه منها و طبعا عباس ذكي مش حيبعد عنها الا اذا فعلا عملت حاجه غلط فيه و هي طبعا راحت لزفت في مروان و طول النهار حركات مستفزه قدام الكاميرات و اهلها في الطناش خالص
و رايحين يقعدوا في لبنان يشجعوها و فرحانين اوي و قاعدين عند اهل مروان هههههه و الناس عادي مبسوطين اوووي و الله الواحد حاسس انو كائن فضائي تيجي تقول هي و مروان بيعملوا حركات مستفزه يقولك لا ده اخوها و بيساعدها
يا جدعان مروان بيمد ايديه عليها و بيضربها و مره قالها يا زباله و مره مش بستحمي يقولك ده هزار
طيب مطلوب مننا ايه بقي ؟؟؟ واحده مستفزه و حركاتها سخيفه مطلوب مني علشان بنت بلدي اتخرس و ادافع عنها و اقولها براڤو يا ملكة المسرح شرفتينا باخلاقك اللي محصلتش
لا طبعا كل بلد فيها الحلو و الوحش و هي مش بتعجبني و مش حدافع عنها
واحده رايحه ترقص قدام الكاميرات و تبوس ده و تجري ورا ده ادافع عنها ليه
و علي فكره هي ارتضت تعمل كده قدام الكاميراا يبقي خلاص سمحت للناس تنتقدها و تنتقد تصرفاتها لا و ايه زعلت اوي لما هادي قالها اغراء ههههه و اهلي حيزعلوا طيب و اهلك مزعلوش ليه لما بتحضني مروان و رفاييل و غيره و غيره
الفنان اخلاق و مش معني انهم في برنامج سخيف بيبح كل حاجه يقوموا يفتحوها علي البحري
و مش معني انها بنت بلدي ادافع عنها
و عامه هي حره و فانزاتها احرار شايفنها ملاك و كيووت و عفويه
بس الغريبه الناس اللي كانت بتسب و تلعن فيها فجأه بقت دينا حبيبتهم و عباس مسلمش علي دينا
عباس ده شيطان
لا عباس مش منافق و فانزاته مش منافقين
لما ايهاب طلع و دينا رجعت كلنا زعلنا و قولنا ايهاب يستاهل اكتر منها
و عباس كان زعلان علي ايهاب اللي بالمناسبه قال اكتر اتنين قريبين مني عباس و هايدي لو عباس وحش ايهاب المعروف بصراحته و اللي كانت السبب في خروجه من الكهف علي رأيك يا بووب و الله
كان قال اقرب حد ليا هايدي و خلاص مكنش ذكر عباس
و طبيعي عباس يفرح برجوع رافاييل صحبه و بيضحك و بيهزر معاه و كويس معاه و اكيد في حاجات بتحصل مش بنشوفها و الدليل ان علي زعل علي شانتال و قال وقفت جنبي كتيييير الله اعلم ممكن فعلا ساعدته و مش كل حاجه بنشوفها
طيب هو عباس يفرق معاه دينا في ايه حتقولولي بنت بلده
هو بنت بلده بالاسم و خلاص و لازم يكون ولائي ليها ؟؟؟ ضايقته و قرفته و كانت قالبه عليه مابيل و عمات حزب مع مروان عليه يبقي تفرق معاه اصلا ليه
و مها اخت بيسو طبيعي تدافع عن اخوها زي ما اهل دينا بردو بيقطعوا ا في فروة عباس و لا حلال ليهم و لبنتهم بس
معرفش مش ده عباس اللي قولتوا ا انو منافق لو هو فعلا منافق كان باسها و حصنها و شال علم مصر قدام الكاميرات و كنت قولتوا ده منافق انما هو حررر بيحب صحبه و فرح بيه

و بنسبه لموضوع ولاد البلد
ههههههه نسيتوا لما دينا قالت انا فرحانه اوووي و كانت بترقص يوم خروج سعد
و لا نسيتو لما قالت لشانتال اغبي انسان و كويس انو حيغور بكره هههههه
من امتي الحب بينهم ده
لا مؤاخذه اهو ده اللي اسمه نفاق
انا لو حد قال عني الكلام ده و سمعته لما خرجت استحاله اكلمه
اكلمه ليه اصلا و هو اسود من نحيتي
معلش اللي يقول يقول و كل واحد حر في رأيه بس عباس محترم و مجتهد و ذكي و كل واحد حر في رأيه
كل الناس المحترمه في الاكاديميه قبل مايمشوا قالوا كلام كويس في حقه زي علي و ايهاب طبعا و انيس
في النهايه دي منافسه و كل واحد داخل يمثل بيته و بيئته و بس
و البلاد ملهاش علاقه بالكلام ده
و انا اصلا بتمني اللقب لنسيم هل ده معناه اني خاينه و عميله
و مش بيبني صوت هايدي اووي يبقي حيشيلوا مني الجنسيه
و زعلت ان ايهاب طلع و دينا رجعت يبقي انا مش مصريه ؟؟؟؟
كل واحد حررر و عباس مش ملزم يتحمل سماجة و تصرفات مقرفه من حد و دمتم بعافيه