عباس هو اللي اكل الجبنه البرميلي

السلام عليكم ورحمة الله وبركاته

يارب يكون كل الناس بخير
هاردلاك بيسو و هايدي و نسوم و مبروك مروان !
اخر موضوع ليا و اشوفكم بقي ان عشت و كان ليا عمر السيزون الجاي

حتكلم عن بيسوووو ابن بلدي و حقول كلمتين و اوعدكو مش حتكلم عنه هنا تاني بس الواحد ميعرفش يسكت عن الحق و السنه دي كان الاسوء علي الاطلاق

طبعا عنوان الموضوع مقتبس من افيه من فيلم كريم عبد العزيز
معناه للي متفرجش علي الفيلم ان عباس شال الليله كلها اي مصيبه او حاجه وحشه تحصل لاي طالب يبقي عباس طبعا معروفه

حبيت استعرض معاكم الكوارث اللي عباس اتسبب بيها علي مدار 4 شهور

سهيله تلعب علي الحبلين و تدخل بين اتنين صحاب زي الافعي و عباس يقولها في وشها متخسرنيش صحبي يبقي عباس طبعا الوحش الشرير الخبيث اللي بيفررق الحبيبين عن بعض

يتعمل قعدة الصراحه اللي اتهلكنا بيها طول الموسم يبقي عباس المدبر للقعده برغم انو منطقش و لما اتكلم دافع عن سهيله اصلا بس لا ازاي هو اللي دبر و خطط و قال للطلاب يقولوا ايه كمان
سهيله تقع و لا متقعش الله اعلم يبقي عباس زقها

محمد سعد يطلع نوميني علشان الاداره بقي ظالمه و لا علشان نسي كلام الاغنيه و صيع اللحن باعترافه شخصيا يبقي عباس بردو امال ايه واصحه جدااا

مروان يشتم الجزاير و المغرب و يقل ادبه الهاشتاجات تتعمل لعباس امال ايه يا جدعان مروان ملاك عباس هو الشيطان اللي بيدبر المؤمرات

هايدي تطلع نوميني و برغم انها اكتر حد بينافسه في البقاء للفينال و يواسيها بكلمتين
يبقي عباس يعرف جمال او كمال او بطيخ و حيكلمه علشان خاطر هايدي
اه طبعا واحد بمكر و لؤم عباس علي كلامكو حيطلع علي الهوا زي اللطخ و يقول حكلم جمال يا هايدي ده تفسير عبقري ماشاء الله

عباس يقعد مع دينا يبقوا شياطين و خبثا و بيدبروا مؤمرات و شلة النفاق
يبطل يكلمها يبقي معندوش اصل و واطي و بيبيع بنت بلده

عباس يلبس كل يوم شيك و نضيف و احسن من بنات كتيير بدون زكر اسماء كنت بحس ان من كتر ماشعرهم ملزق انهم مش بيستحموا اصلا يبقي عباس ابو سروال و معندوش غير سروال واحد

سهيله ترجع كلها حقد و غل من نحية عباس يبقي عندها كرامه و يا جبل ما يهزك ريح
بس غريبه كرامتها اللي نقحت عليها منقحتش عليها ليه مع دينا اللي مفوتتش مناسبه الا و اتكلمت عليها و لا مع مروان اللي رقصوا و فرحوا بفوزه مع انو شتم شعب بلدها قبل كده و الڤيديو موجود
لا بس عباس وحش يا جماعه مروان كان بيهزر لما قال شعب همج

عباس يوصل للفينال واسطه و دلوغ البرنامج و بنت عبد الرحيم علي اشترتله اللقب مش ده كلامكو؟؟

عباس يعمل ايڤالات حلوه و يغني حلووو كل برايم واسطه
عباس يحضر الصفوف و الاساتذه يشكروا فيه يبقي مجاملات

دينا تتريق عليه مع شانتال و تقل ادبها يبقي عباس السبب و يستاهل و مشفناش دروس الوطنيه اللي فلقتونا بيها علي دينا اللي شتمت ابن بلدها لا طبعا ده عباس لازم يتشتم عادي و دينا دي جميله

عباس يجيب 6٪‏ يبقي مكروه و محدش صوتله علي اساس مروان محبوب و الشعوب العربيه صوتتله
علي اساس النتيجه صح و مش مزوره مع ان سبحان الله كل برايم الناس بتقول تزوير و فضيحه اشمعني المره دي واثقين اوي في النسب

عباس اتشتم باهله و الناس اتريقت عليه و الفوا عليه قصص و افلام كل ده ليه مش عارفه بس اللي متأكده منه ان عباس محاولش يلعب دور المثالي و لا يستغل مشاعر الجمهور و لا يعيش دور الضحيه و لا الوطني اللي بيوحد الشعوب
كان علي طبيعته و اجتهد رام الاستفزازت و بذات اخر اسبوع
و ربنا يوفقه و يكمل مشواره و يوصل لحلمه اللي بدأه في ستار اكاديمي
و كل عام و احنا طيبين و مبنتدخلش في نوايا الناس و محسنين الظن بالغير