شيء مضحك مبكي

السلام عليكم يا اعضاء الرورو كيفكم انشاء الله تكونو باف خير وانشاء الله مبسوطين في المنتدى وانشاء الله يكون ولا فانز مننا سمع كلام يسمم بدنو عليه شخصيا او على الطالب الي يشجعو
بخصوص ها الكلام الي نسمعو علينا وعلى احبابنا انا لاحظت شي هو في الحقيقة يضحك شوية لكن مش الضحك الي انتم تعرفوه هو ضحك من نوع اخر الي يقدر يؤلم القلب ويبكيه
المعروف اننا كلنا اعضاء في عالم افتراضي الي هو مش واقعي والمعروف ان كل واحد فينا حاط لنفسو في هاد العالم صورة واسم ومعلومات ما نقدرش نعرف مصداقيتها متلا انا ساسوم اقول اني بنت لكن شوعرفكم انني فعلا بنت ؟ في شخص يعطينا انطباع من كتباتو ومواضيعو انو يحارب الفساد وكان الاعضاء معرضين للفساد وهو الولي عليهم فلازم ينصحهم وينزل فيديوهات للتوعية رغم انني مش فاهمة كيف فيديو فيه واحدة بتتحضن حيوعيني او لما يظل يقول على وحدة فاسقة وينعتها بكل النعوت المخلة بالاداب انو حيوجهني للطريق القويم وينقدني من الضلال..المهم ما علينا نرجع لموضوعنا واقول ايش عرفني انا ان هاد الشخص اهل انو ينصحني؟ انا مش عارفة لا اصلو ولا فصلو ولا شكلو ولا دينو ولا ملتو كل الي اعرف عنو الحاجات الي هو حاطها فالملف بتاعو فقط لاغير
مش هاد الشي المضحك المبكي الي انا اقصد.. انا اقصد ان هاد الشخص الافتراضي تلقاه مستميت فالدفاع عن ها الشخصية الوهمية الي احنا ما نعرفش عنها حاجة ..لو حد قال لو انت او انتي فهادا يسمى شخصنة للشخصية الوهمية لازم اشتكيه للادارة ..لو حد تطاول علي بكلمة لازم ادافع عني واردها لو بعشرة واشتكيه للادارة المهم من غير ما اطول انتم عارفين القصة
نيجي نشوف الشكايات بتوع بعض الاعضاء .جميع الشكايات تعاني من الشخصنة وشتم من طرف عضو اخر فنجد متلا واحد او وحدة يشتكي من عضو اخر لانو قال له انت قليل الادب لانك شتمت الطالب الفلاني و يقول ليش يشتمني انا ما شتمتوش هو شتمت فقط الطالب فلاني هههههه هنا اعزاءي يمكن لكم تضحكو شوية ..تخيلو الواحد مننا مايرضى على شخصيتو الافتراضية الوهمية تتهان ولا تتشتم ولا يتعرض لها حد حتى بالشخصنة لكن يعطي لنفسو كل الحق في شتم وقدف والتبلي على الطلاب اليي شخصياتهم واقعية وحقيقية وشفناهم وعرفناهم وراقبناهم وعرفنا حتى اهاليهم ومنهم الي دخلنا بيوتهم ..حقيقة احنا شخصيات وهمية غريبة
فعلا شيء مضحك مبكي
والسلام