ايهاب كيستحق الفينال اكثر من عباس العاطفي

من طرف **Admin** الجمعة ديسمبر 16, 2016 12:28 pm

السلام عليكم اولاد البلاد كاين شي شتى و لا مازال ما صبت عندكم الله يعطينا قد النفاع
جيت و حشمت ندخل بيدي خاويين قلت مافيها باس نعاون مول البرنامج في النهائيات بهاد المساند الرسمي لهاد العام

كيف جيتكم مصاوبة و لا مشي مصاوبة مغاديش نقول يا متعلمين يا بتوع المدارس قديمة الصراحة
قوالب شايطين و ارى ما نعمرو في اتاي و نشربوه
ها اتاي بالنعناع و هالشيبة و هاللويزة حتى هي خلاتها الحجة الحمداوية هالكاس حلو الكاس حلو
اشنو بان ليكم في البلان ديال هاد العام
فينال و اشمن فينال و هاهيا ودي ارى برع جابو لينا ايهاب مدحوه حتى شبعو و نهار بغاو يطيروه قالوليه ركب فوق البابور و غني و ياريت لو كان غنى يالبابور يا مونامور
ربي ربي عبيبس في الفينال بلا نوميني اضحكي يا انشراح
فاش احسن هداك بو سروال من ايهاب سمعتوه كيغني انا سي السيد فين جاتك السيادة و نوض تقعدت خلاها كبور مكاينش معامن مكاينش
هاد البلان كيديروه كل عام حقاش السهرة ماشي على دوزيم او القناة الاولى و حقاش هاديك توموبيل ميمكنش يجيبوها من تماك حتى المغرب
لا برا و لا بحرا و لا جواا مكاااااينش معامن مكااااينش
و حتى هديك الغنية اليتيمة لكيربحو مافيهم ما يخسرو فلوس الطيارة خص ليربح يكون ساكن تما
قريب و في الحومة نيت
دبا لمازال يقول شي عام راه غادي ناخدوه قالب السكر غادي نتفركع في خليقته
دوزو بخير

المصدر: منتديات تحميل سيتي - من قسم: فضائح ستار اكاديمي 11 Star Academy