البوقالات.. لعبة شعبية جزائرية وموروث ثقافي اصيل

من طرف **Admin** الخميس ديسمبر 15, 2016 8:21 pm

السلام عليكم ورحمة الله تعالى وبركاته

بوقالات شعبية جزائرية

البوقالات.. لعبة شعبية جزائرية وموروث ثقافي اصيل Thumbnail.php?file=boukalat_546791474

البوقالات.. لعبة شعبية جزائرية وموروث ثقافي اصيل Large-ط§ظ„ط¨ظˆظ‚ط§ظ„ط©-طھط±ط§ط«-ط´ط¹ط¨ظٹ-ط¹ط§طµظ.ظٹ-ظٹطھظ‡ط¯ط¯ظ‡-ط§ظ„ظ†ط³ظٹط§ظ†-09d56

في قديم الزمان اقتسم سكان العاصمة الجزائر المكان

فاصبح للرجل الشارع و للمراة السطح.

وبما ان كل البيوت متراصة سمح ذلك للنسوة بالانتقال عند بعضهن البعض

و اثناء اجتماعهن كانت البوقالات سيدة الجلسة

حيث تنوي الواحدة بينها و بين نفسها ان تهدي البوقالة لأحدهم

و يقال أنها كثيرا ما كانت " أي البوقالة " تعبر عن حالة صاحبتها.

البوقالات.. لعبة شعبية جزائرية وموروث ثقافي اصيل Images?q=tbn:ANd9GcRrBJNG637_aKEKxfn1pQiMevhAcE2TBWEgDVSvYW_X4yGElfOK

أما فائدتها فكانت حينها السلوة الوحيدة لنساء العاصمة. و كن يقضين سهرة لرمضان بعدصلاة التراويح

فالبوقالة من التقاليد العريقة في العاصمة الجزائرية

حيث كان النسوة يتفنن في ابتكار الحكم

" على الطريقة الجزائرية "اليكم البعض منها :

البوقالات.. لعبة شعبية جزائرية وموروث ثقافي اصيل Image216

كل عضو او عضوة تدخل تنوي وتختار رقم

*1/* في يدي القمح لمسبل و مليت حجري ترفاس اوسعدي الزين المدلل تاجي فوق الراس على عهدي ما نتبدل كي تدور قاع الناس.

2/** الفحالة عندها حدت و القباحة عندها وصلت

البوقالات.. لعبة شعبية جزائرية وموروث ثقافي اصيل ط§ظ„ط¨ظˆظ‚ط§ظ„ط§طھ ط§ظ„ط¬ط²ط§ط¦ط±ظٹط© ط§ظ„طھظ‚ظ„ظٹط¯ظٹط©

*3/* انت ساعة و انا رقاص فيك انت خاتم و انا مرجان فيك نطلعو لراس الجبل و الي تلحق بكري تديك .

*4/* يا المزوق من البرى وش حالك من الداخل

*5/* اعطاك الزين و طباعك الحنة كحل العين واتاك ..
و ردة في الجنينة في يد اللي حذاك يحفضك
ربي من لعوينة ويخليلك الي بغاك .

*6/* غرست و ردة في محبس كبرت و دارت الشوك
و اش اداني نمسها حتى و ليت مهلوك .

*7/* شعري كحل و عينيا شهل .. فيا ليل و نهار
و ما تمل قلتلو يا جميل يا ولد فلان اذا عينك
فيا ارواح خبر والديا

*8/* علاش قالو العين الكحلة ما تفناش قلتلهم اللى
نحبها مازال ماجاتش

*9/* ليل كامل وانا عند باب دارهم انوح حشمتك
ياسيدي عيسى وياسيدى نوح اعطوني بنتكم وخليني نروح

*10/* الناس تنده بالرجال و الوالي ...
انا ننده بربي العالي .. اذا حبيتوا ديروا بحالي

*11/* حبيبك حبوا و السر اللي بيناتكم خبيه ..
و اذا حبك حبو اكثر و اكثر اذا نساك لا تسال عليه ...

*12* طلعت للجنان وفرشت زربية لبست القطيفة
وغطيت رجليا ودرت قرطاس ذهب حتى لوذنيا
افرحي يا حبيبي ولى ليا نستشفى فى العدو
كيما استشفى فيا

*13/* انتيا نجمة ضوات ليلا من تحت السحاب
تلالا كي شفتك وحدت الله ما خلق يا مولايا قلتلك
تحبني قلتي لا لا

*14/* شفت ثلاث بنات في وسط الدار الأولى
قالت زهري محبوب و الثانية قالت زهري
مكتوب و الثالثة جميلة قالت زهري مع المحبوب
انا خيرت دعوة الخير تشفع فيا و تنحيلي الذنوب

*15/* على النبي صليت و على صاحبوا رضيت ..
و عيطت يا خالقي يا مغيث كل مغياث ..
يا خالق كل شيء دايراتك مفتاح كل خير..
ديرلي يا ربي في الدنيا خير

*16/* انت خمرية والناس تشوف فيك زهوانية
وانت فى روحك برانية وتقولي نبغي اللي ليحوس بيا

*17/* قلبي في نار الغرام مكوي ..
يا يما شوفي ما صر بيا ذاك الزين اسلبني
الحاجب و العين راني شادة فيه ليوم الدين

*18*/* قولو اللي ذاق صبرو يشد في حبال الرجاء
و علاش يتنكد ياك ربي العالي ما يضيع حد .

*19/* رونت الحنة بالزهر و المسك و العنب
بخور ولقيت كفي للتمر و خرجت البدر ادور..
اقعد و استقيم الزهور اللي كانت تحت البحور

*20/* ماني طبسى نتكسر ماني وردة تذبال
راني خاتم دهب ولويزة في يد سيد الرجال

*21/* فاطمة ياكحلة العيون وين ما تكوني نرسك
مرسول آدا سكنتي البحر نرسك عوامة
وأدا أنت في السما نرسك حمامة وأنت شابة ما نديك غير إنا

*22/* يا مولاة ذاك الجنان عينيك و حواجبك
نيلة قلبي حصل عندك و ماصبتلوا حيلة.

*23/* هبطت البحر و صبت ثلاث خطاب
واحد فارس الفرسان و الثانى كاشف الأحلام يتمتاك ترحلي معاه.

*24/* غرست شجرة الرمان واسقينها حتى نورت
وجابت الثمار وادعيت ربى إنشاء الله يجمعني
بالحبيب في وسط النهار.

*25/* إذا داركم بالسلوم نطلعها و إذا بنتكم
حجبانة نعطيكم لوامحها و إذا عذبتونى روحو
شوفو خاتمي في صبعها.

*26/* قلبي معمر ودمى سابل أنت حبيبي
مرة تغرب ومرة تشرق شكي تلك للعالي
وإذا اكتبتلى تكون حلالي

*27/* يانجمة النجوم راكى ضاوية في السماء
ورايح يجى وليد الحلال اللي يخرجك من لهموم
ويسقيك بالماء.

*28/* نسول عليك يا لحبيب والسوال خي
ر من ألف هدية ساعة على ساعة نتفكر الزمان
و نقول إنشاء الله يعيا ويولى ليا.

*29/* يالاله من لا والى يا عرجون الدوالي
سبع أيام و سبع ليالي ما ذقت نعمة و حاجة
ما تحلالى ما عرفت إذا من الغرام و الا من هبالي.
نقلها لكم ابن الونشريس البار

البوقالات.. لعبة شعبية جزائرية وموروث ثقافي اصيل Images?q=tbn:ANd9GcRCmpiflulXiDGSbplUbdAmPfLwv9pxw2JN1C34KtGCK68wjYGjcA

اتمنى اختياري تال اعجابكم
دمتم في رعاية الله وحفظه

البوقالات.. لعبة شعبية جزائرية وموروث ثقافي اصيل 1_cdr

البوقالات.. لعبة شعبية جزائرية وموروث ثقافي اصيل 1_cdl

المصدر: منتديات تحميل سيتي - من قسم: ثقف نفسك مع ثقافات العالم