طريقة انشاء حساب ابل ستور | طريقة عمل حساب في الابل ستور

من طرف **Admin** الأربعاء ديسمبر 14, 2016 6:40 pm

[center]

بسم الله الرحمن الرحيم
السلام عليكم ورحمة الله وبركاتة

هذا شرح مدعم بالصور لكيفية التسجيل في متجر Apple Store -App Store

في البداية دعونا نوضح أنه يوجد عدة متاجر .. متجر للسعودية , متجر لكندا , متجر لبريطانيا , متجر أمريكا .. الخ

ماهو الفرق بين هذه المتاجر ؟

الفرق هو أنه يوجد لكل متجر إحصائيات معينة للبلد الذي اخترته .. يعني مثلاً لو أفتح حساب وأختار المتجر السعودي سيعرض لي المتجر أكثر البرامج التي تم تحميلها في السعودية وهذا الشيء ينطبق على كل الدول ..

شلون تدفع مبلغ التطبيقات في المتجر ؟

عندك خيارين , إما أنك تربط حسابك ببطاقتك الإتمانية
( فيزا أو ماستر كارد ) أو تشتري بطاقة أسمها
( Apple gift card ) وهالبطاقة زي بطاقة الشحن .. تشتريها ويكون فيها مبلغ مثلاً 50 دولار وتصير مربوطه بحسابك وكلما تشتري تخصم منها القيمة لحد ما يخلص الرصيد .. وفيه طريقة ثالثة وهي الجيلبريك لكن يقولون أن ستيف جوبز الرئيس التنفيذي لشركة آبل يقول أنه ما راح يحلل أي شخص يركبه والرجال الله يرحمه مانبي نزعله في قبره

نجي الحين لكيفية فتح الحساب المجاني في الآب ستور , أول شيء نفتح عليه ثم نروح لأي لعبة أو تطبيق " مجاني "

نضغط على كلمة ( free ) ثم بعدها على كلمة
( install app )

لازم تضغط على اللعبة المجانية وتحاول تحملها عشان تطلع لك الخيارات، لو ماسويت هالطريقة ما راح تقدر تسجل بدون بطاقة الفيزا

* الخيار الاول تضغط عليه لو عندك حساب وتبي تسوي تسجيل دخول مباشرة

*نضغط على الخيار الثاني عشان نبدأ عملية التسجيل في المتجر

هنا تختار متجر البلد اللي حاب تسجل فيه .. أنا عن نفسي أخترت أمريكا لأنك اذا تفكر بعدين تشتري بطاقة وتبي تربطها بالحساب ماتقدر اذا اخترت السعودية

هذي هي شروط المتجر .. اضغط على " agree " بعد ما تقراها طبعاً
طريقة عمل حساب في الابل ستور

تكتب الإيميل اللي تبي تسجل فيه , وتكتب لك سؤال سري وتضيف له جواب , وفي الأخير تاريخ ميلادك ولازم يكون صحيح وتحفظه لأنك بعدين إذا بتعدل على حسابك شيء أو اذا نسيت باسوردك بيسألونك عن التاريخ

وبالنسبة للباسورد فهو معقد شوي الصراحة ..
لازم يكون مكون من 8 خانات على الأقل .. ولازم يكون مكون من حروف وارقام و الحرف الاول يجب ان يكون كابتل , وبرضو ما تكرر حرف أو رقم ثلاث مرات

الخيارين اللي في النهاية هذي تسألك إذا تبي تشترك في الموقع عشان توصلك العروض والأخبار على إيميلك .. حط اللي يناسبك بعدين بنروح للصفحه اللي بعدها

في الخانة الأولى نختار طريقة الدفع
( فيزا - ماستر كارد .. ) بالنسبة للي يبي الحساب يكون مجاني او بدون بطاقة أو وسيلة دفع أخرى يختار كلمة ( none ) اللي هي الأخيره ..

- ملاحظة : كلمة ( none ) طلعت لنا لأننا كنا نحاول نحمل تطبيق مجاني .. إذا ما طلعت لك من ضمن الخيارات تأكد أنك ما اخترت برنامج مجاني أو أنك تحاول تفتح حساب مباشرة من مكان ثاني

هنا تعبيء بياناتك باللي يناسبك ..
الخانة ( code ) هي الخانة اللي تضيف فيها الرقم التسلسلي حق البطاقة إذا عندك بطاقة وتبي تربطها بحسابك

طريقة انشاء حساب ابل ستور

نكمل البيانات ومن ثم ننتقل للصفحه اللي بعدها

إذا بياناتك كلها سليمه ومافيه شيء غلط بتطلع لك هالصفحه واللي توضح لك أنك خلاص سجلت في المتجر الأن وفيه إيميل أنرسل على إيميلك عشان إكمال عملية التسجيل والتحقق من ملكية الإيميل

بتحصل هالرسالة في إيميلك .. ببساطة اضغط على كلمة : Verify Now

وبعدين بيفتح لك صفحه في موقع ابل تطلب منك تكتب الإيميل والباسورد اللي أخترتهم

وبكذا تكون خلاص سجلت بسلام

[/center]

المصدر: منتديات تحميل سيتي - من قسم: منتدى ايفون